『醉貓』の 土瓜灣空間♥★

 

 

話咁快又一年, 新年新希望新目標, 但睇翻07年就好似發夢一樣, 遇到意想不到的收穫, 依篇回顧係慢慢儲翻來, 之前都無諗過會見光, 之前估唔到會......

所以睇翻都好開心, 又好驚剷機唔覺意剷埋, 所以好想記低依個夢境成真的過程, 做野辛苦時可以睇翻警惕下同埋鼓勵下自己, 好高興同關心我的人分享

 

13-Jul-2007 星期五 Bran II食左餐飯, 食物唔重要, 飲品唔重要, 同你食的人先最緊要.

今晚同佢食左餐飯, 諗諗下都好耐無同女仔單獨食飯, 仲要係靚果隻, 佢今晚同平時一樣好高收視率, 去Bran II因為又可以食飯又有酒飲仲可以食煙, 一次滿足我三個願望. 不過食乜都唔係重點.
想寫野都係因為食飯之後吹水果Part, 佢除左兩邊整左條拗拗圈的頭髮之外, 成個人都好似唔同晒, 之前覺得蠢蠢地的佢, 今晚唔知做乜講野成熟左好多咁, 識左咁多年好似今晚先知大家的野咁, 講命運講前途講愛情, 雖然講野講到一忽忽咁, 我跟得好辛苦, 不過都聽得出佢大個女lu, 佢仲話自己係大女人添=0=a
佢大個得來份人都仲係蠢蠢地咁, 令人無乜戒心, 不過對住佢都無乜野唔講得啦~ 諗到乜野都可以講出來的感覺真係幾爽, 唔洗隔搾~哈哈, 佢仲話好多野無同人講過, 好似得我知咁, 聽完成個人真係甜一甜, 就算佢呃下我都好啦, 總之個感覺好得意, 同埋男女諗野真係好唔同, 真係要識多D女仔fd先得啦…

 

23-Jul-2007 星期一 書展2007<-諗左好耐的借口, 行完佢好似得我睇無佢睇咁, 行晒4個hall只見佢係咁意拎過本乜春古典音樂書咁上下的野, 仲話書展執平野點知佢成套書幾千銀真係睇到我眼都凸埋, 佢望兩眼就放翻抵, 唔知佢會唔會已經儲晒成套呢?
我想搵果堆DJ書最後都係搵唔到, 我諗唔係賣晒, 應該係太多大亂我搵唔到, D分類不知所謂, 我連自己係邊個hall都要睇一大餐, 不過中間比我搵到兩本講接近死亡的人去理解生命的書, 係電台介紹過的, 兩本都唔洗一舊水, 賺左個入場費先啦.
行完見佢已經得翻半條人命咁死下死下, 唯有幫佢拎個LV袋, 比杯雪糕獎勵下佢, 終於有樣野叻過我, 就係佢識路同識坐巴士, 帶左我去銅鑼灣食峰壽司, 去到都幾多人要等位, 不過見佢已經行唔郁啦….唯有等下囉, 比佢睇下我係廣州影D相, 笑下阿齊條孖煙通, 中間就唔知講開乜野, 講講下我聽到一句"可能聽日我會鍾意你呢?", 其實應該係講緊將來好難預料之類的野, 但係佢望住我講句咁架野, 真係打左個突, 成個人好似定左形咁, 不過我好快咁反應過來, 比左個冷笑佢, 我諗佢睇唔出我定形果野瓜~~
輪到有位入去食野, 比錢, 走人, 成個過程我的表現都好鎮定, 應該無露出馬腳, 不過中間的對話就好係反應慢左少少, 有D隔搾咁, 不過佢頓到死應該都睇唔出架啦, 唔好諗咁多野啦, 都係早D訓啦~哈哈.

 

10-Aug-2007 星期五 兩點半掛8號波

電話Jam晒線, 想乘機打個電話比佢都唔得添.
公司D仆街唔放人, 搞到3點幾先走, 去到車站爆晒, 又要等成粒幾鐘先上到車, 上到車又塞一大輪先到屋企, 返到屋企同無放早都無乜分別=0=a

 

11-Aug-2007 星期六 House Bar

哈哈~佢打來我仲係沙田, 仲好慘咁話人地全部一雙一對自己得一個咁, 叫我快D去, 我聽到真係想飯都唔食同阿嬤講句生日快樂就走(我夠生日啦=0=), 不過我都扮下野, 飯都未食點飲呀~hehe哈哈咁, 而且阿媽靈厲的目光已經自然地直插向我, 我知道逃走成功的機會真係接近零, 老豆就好識做咁話唔得閒走先啦, 我都食埋個魚翅先閃人, 臨走當然要比好劈得的姑姐隊兩野先可以全身而退啦……
為左請救出孤苦鈴丁的寂寞少女, 而且七叔教我坐的兩架巴士都唔係附近=0=a, 我立即飛的過太子, 終於到場~
居然係女還女, 男還男咁坐@0@~!!!
邊條仆街話的拉佢出去打啦!!! 我見到孤寂的Cannie受到重重圍困, 比阿齊同佢條女兩個夾住~WTF, 眼神就好似叫我拉佢出苦海一樣, 但我屎忽都未坐低, 面前已經無啦啦多左杯酒, 同時聽到"生日快樂", 係電光火石之間已經飲左6杯….
兄弟知我鍾意熱鬧, 比我想象中多人, 七叔七嬸, 阿齊青仔, 阿榮, 光頭, Cannie, 之後就Ivan, Elain同個fd, 光頭帶左pair人好似叫Andy同唔記得, 飲到咁上下終於坐到去佢身邊啦, 見佢真係唔多0岩玩咁, 由頭到尾都好靜, 我教佢玩下股仔, 傾下計咁啦, 不過埋到佢身之前都比人隊到Wing Wing地, 中間講野都幾大膽, 細節就唔記得啦, 講講下佢就話要走, 唔知係咪我嚇親佢呢? 我強烈要求送佢返去, 不過到佢上車果刻好大力推開我, 仲有我見到佢個強顏歡笑的表情, 我就知道要收手了~我行返酒吧, 繼續玩繼續笑, 不過無幾耐Cannie就打比我報平安, 聽把聲好似好翻D咁我先無咁驚, 之後仲有個Birthday Kiss,我當然扮傻呃多左兩個啦, 講完個電話真係飄飄然咁, 我笑左出來, 之前的笑原來都唔係真正的笑, 雨過天情~真係要啤啤佢啦~哈哈

 

13-Aug-2007 星期一 導火線

唔好睇個Topic意為有大件事, 禮拜一佢得閒D咪出左去家樂商場隔離California食Pizza, 之後睇左套戲叫"導火線"咁簡單之嘛

 

15-Aug-2007 星期三　佢專登走來同我食Lunch呀

之後夜晚就同阿輝食飯同買左枝魚眼鏡．

 

17-Aug-2007 星期五　第一日（赤柱）

請左半日假, 坐66號巴士入左赤柱食香辣屋, 週圍行影下相, 再坐40號小巴出左銅鑼灣, 見時間仲早, 再過旺角睇相機, 不過睇下睇下又趕得濟, 到太古就即刻要入場7:40太古睇5星級大鼠, 搞到餓親老婆仔, 面青青去澳門茶餐廳食, 見佢咁辛苦食完緊係要飛的送佢返屋企啦.第一次送佢返屋企．．

 

18-Aug-2007 星期六　第二日~勁

佢收左工過來土瓜灣搵我食飯, 原來又鬼鬼馬馬買左個銀包比我, 比我鬧到佢飛起, 不過就緊係好開心啦, 點知之後仲開心…

 

19-Aug-2007 星期日　南丫島

第一次打Game放飛機, 掉低左難得的一場Wargame, 係中環食左個早餐, 嗯嗯~點都要食野先, 食飽就上船入南丫島, 週圍行Window Shopping, 其實好無聊架, 不過我不知幾開心, 最驚悶親佢, 本來仲想睇埋日落, 不過佢都係頂唔住, 天未黑就返到屋企, 仲買左許留山食, 飽暖真係… 哈哈~原來．．, 師弟仲發左達買左部Wii返來, 個個打機所以求其叫外賣, 到11點先捨得同佢坐的士, 返來我就已經無晒電…訓到死左….

 

21-Aug-2007 星期二　土瓜灣衰左

又衰左~Pizza叫錯野食．．哎喲~居然叫左肉醬意粉, 我簡直係一個白癡!!!

 

23-Aug-2007 星期四　一壽司

一收工就去左尖嘴食日本野, 仲飲左個叫"初戀"的酒, 有荔枝同Rum好正架

 

24-Aug-2007 星期五　Delifrance食Lunch

今日佢收工遲左都趕過來陪我食飯, 不過中間佢係咁諗野又唔出聲, 仲問我D乜乜第三者會點的問題, 嚇到我乜野胃口都無晒, 搞左一大輪原來佢話邊個話邊個鍾意佢乜乜物物, 驚住唔知點處理果d野, 我又幫唔到D乜, 只叫佢唔好理, 之後都無乜野啦~嚇Q死人

姨媽大晒　－　到收工又唔知做乜發晒爛, 嚇到我掉抵左阿榮同至瘋飛左出旺角接佢, 同佢食個飯再行下藍灣半島, 笑咪咪咁送左佢返屋企, 唉~好難涯的一日, 不過佢笑翻我就好鬼開心^^

 

1-Sep-2007 星期六　出左北角同Cannie食KFC

之後自己一個行晒德福陶大Megabox~勁!．．人地話要行多Ｄ街睇多Ｄ野先得喎．

 

17-Sep-2007 星期一　迪迪尼

玩到散晒，其實都係佢玩多，我叫做見識下咁啦～佢開心最緊要．

玩到３點幾酒店Check-in，佢比個夢幻套房嚇親～終於有ｄ成功感，叫比到少少驚喜，乜野都抵翻晒

第二朝仲有米奇同你食早餐添

 

14-Oct-2007 星期日　第一次海洋公園哈佬喂~!!!

16-Oct-2007 星期二　第一次聽楊千嬅演唱會

24-Dec-2007 星期一　海逸自助餐

25-Dec-2007 星期二　劉德華演唱會

30-Dec-2007 星期日　Cannie Concert 2007

 

到後期就無乜特別好寫架啦，好多三級野唔出得街～哈哈（講下笑）

其實係因為一入屋已經講緊電話，都未得閒坐低諗下野，

大家睇到我越寫越短，就睇得出我生活越來越充實，都無乜時間發下up瘋．

依家得閒就執下屋，影下相，間中就打下機（勁少），遲幾個月可能要讀翻書啦，

踏入２００８，總之就要搵錢努力Ｄ，洗錢慳Ｄ咁啦，辛苦？係辛苦ｄ～但係開心咪得囉．．

 

 

 

 

 

 

 

 

  

甜甜兩心枝

多久沒有說我愛你　多久沒有擁抱你所愛的人
當這個世界　不再那麼美好　只有愛可以讓他更好
我相信　一切都來得及　別管那些紛紛擾擾
別讓不開心的事　停下了腳步　就怕你不說　就怕你不做
別讓遺憾繼續　一切都來得及